KAHELAS NAMPER DUA BELAS SEPTEMBER

Ningal mega , lenglang tanpa daksa
Ningal langit , kingkin taya tanding
Poe eta

mepende pangharepan
Asih urang

kasilih ku anggang 

            Bulan bendu , diharudum teu tangtu

           Bentang anggang , ngajauhan urang duaan 

Deudeuh Eulis 

anjeun lumengis nahan kaperih

Kuring surti 

sajatining ati

Beut asa 

neunggar cadas 

nyesa ukur bibilas

Pasini nu repok 

kiwari hamo paamprok 

Eulis 

gening pasini teh 

lain di atur ku urang

Tapi 

kersaning Gusti Hyang Widi

Kapeurih ati , jadi peurah dina rasa

Najan hate beurat , katresna hamo walurat 

           Hate leah

          nandang kasusah , 

          najan

          raga geus upaya

Urang hamo bisa mapalerkeun rasa 

nu kasorang

          Nam Eulis 

          urang leumpang sewang-sewang

           Najan Akang beurat , 

          tapi da pan tos kedal ucap 

Bulan nu 

ku urang teuteup duaan

Kalangkangna moal aya 

dua deui

Jadi hiji pasti 

jadi ciri 

kapeurih ati

        Urang papegat 

        najan nyaah 

         papada beurat 

Bagea kembang balebat

Teu sangka 

kaasih ngan ukur 

sakolepat 

ngejat , sapaparat jagat 

        Tapi Eulis 

        ulah kingkin

        kaasih pasti ngahiji deui 

 - Diserat kangge bentang nu anyaclang na rasa -