BUDAYA ALAT PAJOANGAN

Gunung guntur belah luhur hamo mundur jeung takabur

Bentang bentang anu ligar rek bajoang arek medar

Tasikmalaya jadi saksi medarna satria anu sajati

Mandala Herang jadi saksi medarna pajoang anu pasti

Bulan bentang ting arimut teu hariwang ngalenggut

Bulan bentang ting kariceup keur nyawang nu di hareup

Budaya nu jadi lalakon jadi alat jang tetekon

Budaya nu nu mere jalan sangkan hirup make aturan

Budaya bakalan ceurik lamun jalma loba nu burik

Budaya bakalan bendu lamun jalan teu sapanuju

Budaya nyaeta alat sangkan hirup bisa rumawat

Budaya nyaeta aci sangkan hirup bisa tarapti

DUA GAGANG KEMBANG ROS

dua gagang kembang ros sirna ilang tanpa wekas...

nu didama-dama , nu di anti-anti ayeuna tilem duka ka mana...

euweuh nu ngalantaranana , ngan baluweng nu aya...

hate bimbang taya nu nyaho...

kuring hirup siga nu poho...

ukur bisa ngabedega na luar panto...

nu ku kuring dijaga , nu ku kuring d antos...

ayeuna mung ngan saukur cariosan waos...

taya tapak taya rumaos...

dua gagang ros nyangkeut pageuh dina ati...

diwanti-wanti..

hanjakal jadi jamparing nu nurihan ati

Mega nu Mimiti Lingsir

Mega mendung nu alum

beulah kulon,

karasa aleum, lir

handeuleum.

Mega nu

ngeukeupan panonpoe,

mimiti anggang

lenglang.

Mega nu teu weleh

satia maturan

datangna sareupna

ngolepat.

Hayang ngejat, tapi

beurat nyanghareupan

surya nu

moreret kana kajauhan.

Mega nu biasana 

aya sapopoe,

tatu !.

Mega nu kumelendang

dina rasa,

cua kana

kaayaan.

Mega nu nyangkin

dina ati,

mimiti lingsir

katebak angin